Bæjarþil
01.01.1907
Varðveitt hjá
Minjasafnið á Akureyri
Þorbjörg Jónsdóttir f.16.4.1891, með hest, Arnarvatni
Aðrar upplýsingar
Ártal
01.01.1907
Safnnúmer
Safnnúmer A: BS-311
Sýningartexti
Sýningin Ljósmyndari Mývetninga - mannlífsljósmyndir Bárðar Sigurðssonar frá upphafi 20. aldar.
Myndasalur Þjóðminjasafns Íslands 29. janúar - 2. maí 2011.
Þorbjörg Jónsdóttir á Arnarvatni í Mývatnssveit 1907
Þorbjörg stendur hjá hesti framan við framhús torfbæjarins á Arnarvatni. Hún er í reiðfötum, stuttum jakka og síðu pilsi, með barðahatt með hvítri slaufu og klút til skrauts. Pilsið er sítt enda átti reiðpils að ná niður fyrir fótafjölina á söðlinum svo ekki sæist í fætur hennar. Hesturinn er með stangarbeisli, höfuðleður er með ennisól og taumar eru úr leðri. Á hestinum er sveifarsöðull en aðeins konur riðu í söðli. Á söðlinum eru leðurlöf og sveif og klakkur eru leðurklædd en setan er bólstruð með sléttu flaueli. Hún er 17 ára við myndatökuna. (ILB)
Aðfangategund
Undirskrár
Undirskrá: Glerplötur - Bárður Sigurðsson
Flokkun
Heimildir
Myndabók Bárðar Sigurðsson, varðveitt á Minjasafninu á Akureyri.
Eftir fráfall Bárðar árið 1937 seldi Sigurbjörg Sigfúsdóttir ekkja hans Eðvarði Sigurgeirssyni ljósmyndara á Akureyri plötusafn hans, sem varðveitti það mjög vel í upprunalegum umbúðum Bárðar í húsi sínu, Möðruvallastræti 4 á Akureyri. Eftir fráfall Eðvarðs og Mörtu Jónsdóttur konu hans, komu börn þeirra Egill Eðvarðsson og Elsa Friðrika Eðvarðsdóttir safni Bárðar til varðveislu á Minjasafnið á Akureyri. Safnið samanstendur af um 850 glerplötum sem eru bæði mannamyndir og útimyndir af ýmsum toga. Ljóst er að þetta er ekki allt glerplötusafn Bárðar því fleiri myndir eru til eftir hann, sem ekki eru í þessu plötusafni.