Ljósmyndir
01.01.1911
Varðveitt hjá
Minjasafnið á Akureyri
Jón Halldórsson f.13.8.1873 í Kolgerði sagar rekavið og með honum er Baldvin Kristinsson f.18.7.1887 lausamaður í Höfða, Höfðahverfi
Aðrar upplýsingar
Ártal
01.01.1911
Safnnúmer
Safnnúmer A: BS-171
Sýningartexti
Sýningin Ljósmyndari Mývetninga - mannlífsljósmyndir Bárðar Sigurðssonar frá upphafi 20. aldar.
Myndasalur Þjóðminjasafns Íslands 29. janúar - 2. maí 2011.
Reki sagaður í Höfða í Höfðahverfi 1911
Tveir menn saga reka með stórviðarsög. Annar stendur uppi á sögunarhjalli eða sögunartrönum sem er lokað að neðan með vírneti. Fiskur hangir til þurrkunar í hjallinum. Skarexi liggur á bita. Sá sem er uppi er í peysu með hneppingu á vinstri öxl og eins konar rósamunstri á bringu. Sá sem er niðri er í köflóttum buxum og með tvíþumla vettlinga. Þeir eru báðir með derhúfur. Tvö stafakeröld til beggja hliða. Myndin er tekin í lok mars. Jón Halldórsson í Kolgerði sagar með Baldvin Kristinssyni lausamanni í Höfða.(ILB)
Aðfangategund
Undirskrár
Undirskrá: Glerplötur - Bárður Sigurðsson
Flokkun
Heimildir
Myndabók Bárðar Sigurðsson, varðveitt á Minjasafninu á Akureyri.
Eftir fráfall Bárðar árið 1937 seldi Sigurbjörg Sigfúsdóttir ekkja hans Eðvarði Sigurgeirssyni ljósmyndara á Akureyri plötusafn hans, sem varðveitti það mjög vel í upprunalegum umbúðum Bárðar í húsi sínu, Möðruvallastræti 4 á Akureyri. Eftir fráfall Eðvarðs og Mörtu Jónsdóttur konu hans, komu börn þeirra Egill Eðvarðsson og Elsa Friðrika Eðvarðsdóttir safni Bárðar til varðveislu á Minjasafnið á Akureyri. Safnið samanstendur af um 850 glerplötum sem eru bæði mannamyndir og útimyndir af ýmsum toga. Ljóst er að þetta er ekki allt glerplötusafn Bárðar því fleiri myndir eru til eftir hann, sem ekki eru í þessu plötusafni.