Panta mynd Notkunarskilmálar

Póstkort

1962

Varðveitt hjá

Síldarminjasafn Íslands

Póstkort frá árinu 1962. Framan á póstkortinu er ljósmynd af síldarstúlkum að salta síld á Siglufirði hjá söltunarfélaginu Reykjanes h/f. Reykjanes h/f var með síldarsöltun á Siglufirði með hléum á árunum 1942-1963. Upphaflega var félagið stofnað í Keflavík en skráð á Siglufirði. Reykjanes h/f saltaði á Tangahorninu 1942 og 1943. 1946-1960 rak það söltun á norðurhluta Tynesar-stöðvar, nema sumarið 1953 var ekkert saltað. Daníel Þórhallsson kom til samstarfs við félagið 1954. Hann keypti síðan hlutafé í félaginu í áföngum, síðast árið 1963, en það var síðasta söltunarár félagsins. Vorið 1960 keypti félagið Hjaltalínsstöðina af Vigfúsi Friðjónssyni og saltaði þar síðustu starfsárin. Ljósmyndin á kortinu er tekin þegar Reykjanes h/f saltaði á norðurhluta Tynesar-stöðvar. Á póstkortinu er stimpill merktur: Siglufjörður. 24 VII 1962, og á því stendur: Siglufirði 24. júlí 62. Elsku mamma og pabbi. Við erum búin að vera hér í 4 daga. Förum á morgun til Akureyrar. Kem sennilega um helgina suður. Tala áður. Við höfum hitt Harrý 2 sinnum þeir komu á sunnud. með 1100 mál og í morgun með 1000. Hitti Steina Hans áðan á götunni. Þeir voru líka með síld. Við höldum til hjá Fjólu. Hér er sumar og sól og allir að vinna nema svona lúxuskvinnur eins og ég, enda er best að hverfa í fljótheitum. Sjáumst bráðum aftur. Kærar kveðjur frá okkur öllum. Stína.