Dúkur, óþ. notk.

1910 - 1970

Varðveitt hjá

Smádúkur hvítur og gulur. Þvermál 19 sm Borðdúkar og fleira. Allir munir, sem hér eru skráðir 1986-01 til 1986-90 eru úr dánarbúi Kristínar Sigtryggsdóttur, Bergþórugötu 29, Rvík. Kristín lagði það fyrir að þessir hlutir gengu til Byggðasafnsins að Görðum að henni látinni: Munirnir voru afhentir safninu vorið 1981 af Alexíusi Lútherssyni, systursyni Kristínar. Eftirtaliðr færist á fyrsta spjaldskráarblað: Kristín Sigtryggsdóttir var f. 5.nóv. 1889 á Þóristöðum í Svínadal. Foreldrar hennar voru Sigtryggur Svavarsson bóndi þar og Kristbjörg Jónsdóttir. Kristín ólst upp á Þóristöðum til 14 ára aldurs, fór þá að Hrafnabjörgum til Brynjólfs Einars. sem og Ástríðar Þorláksdóttur konu hans. Var þar í 8 ár sem vinnukona. Í kaupavinnu trúlega eftir það. Fór til Reykjavíkur á stríðsárunum, fer til Sigríðar Kristjánsdóttur og Jóels Þorgeirssonar trésmiðs á Skólavörðustíg 15 í vist. Lærði síðan saumaskap hjá Guðsteini Eyjólfssyni klæðskera og vann hjá honum í nokkur ár. Stundaði eitthvað fiskvinnu eftir að togaraútgerð hófst og kaupavinna er á sama um 1924-1925. Fer 1927 að Ingunnarstöðum í Kjós til Guðrúnar systur sinnar og Lúthers Lárussonar manns hennar. Þar var hún til ársins 1937 og flutti alfarin til Reykjavíkur 1939. Bjó fyrst á Öldugötu 45 síðar Skólavörðustíg 15 til ca. 1950. Þá bjó hún í 5-6 ár á Hverfisgötu 100, en þaðan flutti hún til mág síns Jóns Jónssonar frá Eyri , er bjó í Skerjafirði . Úr Skerjafirði flutti hún til frænda síns Alexíusar Lútherssonar í Skipasundi bjó þar í 2 ár. Frá 1959 til dauðadags bjó hún í íbúð sinni að Bergþórugötu 29. Kristín dó 7.júlí 1977 og var jarðsett í Saurbæ á Hvalfjarðaströnd. Kristín átti prjónavél og prjónaði og saumaði fyrir fólk á sínum fyrstu árum í Rvík. , en hóf störf hjá Guðsteini að nýju eftir að hún kom til Rvík og vann þar að saumaskap. Kristín var mikill spiritisiti.