Byggðasafnið í Görðum á Akranesi

Byggðasafnið í Görðum á Akranesi var stofnað 13. desember 1959 að frumkvæði sr. Jóns M. Guðjónssonar (1905-1994). Frá upphafi hefur safnið verið staðsett á gamla kirkjustaðnum Görðum á Akranesi. Safnið er í eigu Akraneskaupstaðar og Hvalfjarðarsveitar. Stefna og markmið safnsins er að safna, skrá, varðveita minjar og þjóðlegan fróðleik er viðkemur Akranesi og Hvalfjarðarsveit. Safnkosturinn endurspeglar sögu svæðisins, atvinnuhætti og menningu Mikið er af minjum er varða sjávarútveg, landbúnað, iðnaðarfyrirtækji, íþróttir og heimilishald.