Hvernig á að sauma á saumavél?

1982 - 1983

Varðveitt hjá

Útgefið efni og vinnuprufur Bæði verkefnin, a) og b) voru unnin í Framhaldsdeild handmennta við KHÍ árið 1982-1983. Umsjónarmaður námsins var Fríður Ólafsdóttir, dósent við KHÍ. a) Titill: Bók. Hvernig á að sauma á saumavél. Efni: Pappír. Tækni: Útgefið efni. Bók eftir Sigrúnu Ásmundsdóttur, Svanhildi Valsdóttur og Þórleifu Drífu Jónsdóttur. Bókin Hvernig á að sauma á saumavél. Leiðbeiningar fyrir byrjendur í vélsaumi. Námsgagnastofnun 1985. Höfundar unnu efnið í bókina þegar þær stunduðu nám við Framhaldsdeildina. Bókin var endurskoðuð áður en hún var gefin út og endurútgefin að minnsta kosti tvisvar. Í inngangi segir m.a. Markmið þessarar bókar er að gera nemendur sjálfbjarga í vélsaumi. Hér er einnig fjallað lítillega um efnisfræði, lita- og formfræði og munsturgerð. Kennurum er heimilt að ljósrita að vild upp úr bókinni. Bókin er í A4 broti. Bókin kom að góðu gagni í grunnskólum og var mikið notuð. Það hefði verið æskilegt ef nemendur hefðu fengið eigið eintak af bókinni því í henni er fjöldi vinnubókaverkefna og ýmis fróðleikur sem hefði komið að gagni. b) Titill: Tilraunaprufur í vélsaumi. Efni: Textílefni. Tækni: Vélsaumur. Fjórar vinnuprufur í vélsaumi eftir Þórleifu Drífu Jónsdóttur. Prufurnar vann hún í Framhaldsdeild KHÍ á námskeiði hjá finnska kennaranum Maja Leena Seppålå sem var gestakennari við deildina. Makmiðið með námskeiðinu var m.a. að vinna með saumavélina á skapandi hátt og unnu nemendur fjölbreyttar tilraunir í saumavél. Vinnuprufurnar eru eitt af verkefnum bókarinnar og voru í raun kveikjan að útgáfu hennar. Boðið var uppá framhaldsnám í handlistum við Kennaraháskóla Íslands skólaárið 1982-1983. Umsjónarmaður námsins var Fríður Ólafsdóttir, dósent. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.