Matskeið
1800 - 1845
Varðveitt hjá
Þjóðminjasafn Íslands
Matskeið úr silfri, íslensk. Hún er 20,6 cm löng. Skaftið er 13,7 cm langt og 2,2 cm breitt þar sem það er breiðast. Blaðið er 7,8 cm langt, 4,3 cm breitt og 1,5 cm djúpt. Á bakhlið skaftsins er smiðsstimpillinn Þ (innan hrings). Á enda skaftsins að ofanverðu er grafið einfalt munstur og lítið strá eða blóm. Smiðurinn er óþekktur, en önnur skeið eftir hann er til í Þjóðminjasafninu (Þjms. 1975-136). Sú er frá Barðaströndinni, en eigandi þessarar skeiðar, Sveinn Ólafsson myndskeri, var frá Lambavatni á Rauðasandi. Þór Magnússon, fyrrum þjóðminjavörður, hefur getið sér þess til að smiðurinn gæti verið Þórður beykir Þóroddsson að Reykhólum (f. 1776, d. 1846, faðir Jóns Thoroddsen sýslumanns og skálds).
Skeiðin var í eigu Sveins Ólafssonar myndskera, en gefandi er Ólafur sonur hans. Sveinn lést eftir veikindi árið 2010 og stuttu fyrir andlátið sagði hann fyrir um að skeiðarnar nr. Þjms. 2012-1-1 og 2012-1-2 skyldu ganga til Þjóðminjasafnsins.
Aðrar upplýsingar
Ártal
1800 - 1845
Efni
Safnnúmer
Safnnúmer B: 2012-1-2
Stærð
20.6 x 4.3 x 1.5 cm
Lengd: 20.6 Breidd: 4.3 Hæð: 1.5 cm
Aðfangategund
Undirskrár
Undirskrá: Munasafn
Efnisorð / Heiti