Ljósmyndir
01.01.1947
Varðveitt hjá
Minjasafnið Bustarfelli
Jakobína Soffía Grímsdóttir, húsfreyja á Bustarfelli, í skautbúningi. Myndina tók Loftur Guðmundsson, ljósmyndari, og aftan á myndina hefur Jakobína skrifað: "Til Ellu [Elínar, dóttur sinnar] frá mömmu 1947".
Jakobína var ættuð úr Svefneyjum á Breiðafirði, en fæddist á Eskifirði og ólst upp á Hólmum í Reyðarfirði hjá frænda sínum, séra Jóhanni Lúther Sveinbjörnssyni og konu hans, Margréti Daníelsdóttur. Hún giftist Snorra Sturlusyni frá Ísafirði árið 1924, en missti mann sinn eftir aðeins rúmlega árs sambúð. Saman áttu þau dótturina Arnfríði. Árið 1931 lést Salína, sem hafði verið ráðskona hjá Methúsalem, bróður sínum, og gerðist Jakobína þá ráðskona á búinu. Jakobína og Methúsalem felldu hugi saman, giftust, og eignuðust dótturina Elínu. Um konu sína sagði Methúsalem: „Mjer fannst jeg aldrei neinn maður fyrr en jeg eignaðist hana. Jeg met hana við hliðina á móður minni og verður þá ekki lengra jafnað.“
Aðrar upplýsingar
Ártal
01.01.1947
Safnnúmer
Safnnúmer B: 1976-93
Stærð
21 x 16 cm
Staður
Staður: Bustarfell I, Burstarfell, 690-Vopnafirði, Vopnafjarðarhreppur
Aðfangategund
Undirskrár
Undirskrá: Almenn munaskrá
Flokkun
Upprunastaður
65°36'54.3"N 15°5'56.0"W