Útsaumur

1952 - 1953

Varðveitt hjá

Nemendavinna úr Austurbæjarskóla 1952-1953. Útsaumuð mynd í litlum tréramma, krosssaumur. Saumað með ullargarni í stramma. Myndin er fest á bakhlið rammans með teiknibólum. Á bakhlið er teygja til að hengja myndina upp. Myndin er upplituð (sjá upprunalegu litina á bakhlið) því hún hékk lengi í dúkkuhúsi sem stóð á lóð fjölskyldunnar. Stærð á mynd með ramma 22 x 17 sm. Á þessum árum voru í gildi námskrárdrög frá 1948. Myndin var svokallað aukastykki, unnin í 9 ára bekk. Nemendur sem luku skyldustykkjum sínum samkvæmt námskrá gátu unnið aukaverkefni að vild. Yfirleitt höfðu nemendur frjálst val um verkefni sem hæfðu getu þeirra. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.