Jóladúkur

1952 - 1953

Varðveitt hjá

Nemendavinna úr Austurbæjarskóla 1952-1953. Jóladúkur, stjörnulaga. Dúkurinn var keyptur með frágengnum földum. Rauður með hvítum útsaumi. Krosssaumsmunstur (englar og kertaljós). Andlit og geislar saumað með leggsaumi (kontorstingur, varpleggur). Athugið, að krosssaumslínurnar í kertunum eru saumaðar á ská sem hentar kertamunstrinu vel. Utan um dúkinn er tilbúinn skrautborði. Á þessum árum voru í gildi námskrárdrög frá 1948. Jóladúkurinn var svokallað aukastykki, unninní 9 ára bekk. Nemendur sem luku skyldustykkjum sínum samkvæmt námskrá gátu unnið aukaverkefni að vild. Yfirleitt höfðu nemendur frjálst val um verkefni sem hæfðu getu þeirra. Handavinnukennarar í Austurbæjarskóla á þessum árum voru Elísabet Helgadóttir F.26.11.1898, D.01.11.1982 og Rannveig Jónasdóttir F.18.10.1903, D.02.01.1994. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.