Stafaklútur

1930 - 1932

Varðveitt hjá

Stór og gamall prufuklútur/stafaklútur. Klúturinn er allur handsaumaður. Kristín saumaði hann í Austurbæjarskóla eða Gagnfræðaskóla Austurbæjar uppúr 1930. Klúturinn er saumaður í fíngerðan stramma og allur útsaumur er saumaður með krosssaumi. Saumað er stafrófið, tölustafirnir frá 0 – 9, nafnið Kristín, og Disa (sem var systir Kristínar) og ýmis smámunstur. Dæmi um munstur: Íslenski fáninn, sniglar, blóm og mýs. Utan um klútinn er saumaður mjór krosssaumsbekkur og tunguspor (kappmelluspor) utan um kantinn. Það hafa verið notaðir ýmsir garnspottar í útsauminn. Það má sjá nokkra bláa liti í krosssaumsbekknum sem er utan um klútinn og í stafrófinu eru einnig nokkrir rauðir litir. Klúturinn er ekki fullkláraður. Stærð 56 x 25 sm. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.