Húsgagnasmíði

1860

Varðveitt hjá

Byggðasafn Skagfirðinga

Skápur úr furu, 72 cm hár, 51 cm breiður og um 25,5 cm langur fram. Framhliðin nær upp fyrir skápinn, og á henni er strikheflaður listi umhverfis, en hefur þó týnst af að neðan. Á skápnum er hurð, 31,5 cm x 50,5 cm með spjaldi. Ofan við hurðina er skúffa með upphleyptri tíglaröð á framhlið. Í miðju hurðaspjaldinu er ferhyrndur reitur með útskorunum hornum. Ein hilla er í skápnum. Framhliðin er máluð blá og rauð. Grunnliturinn er blár, en listarnir umhverfis, hurðarramminn og innsti reiturinn í hurðinni og tíglarnir á skúffunum rauðir. Skráin og önnur lömin eru ónýt og kvarnað er úr og rifið af skápnum sums staðar. Skápurinn er íslensk smíð og er sagður yfir 100 ára 1962.