Stóll

1912

Varðveitt hjá

Stóll, meðfylgjandi sófasettinu, trégrind (sennilega eik) eins og í sófanum. Framfætur eru renndir, afturfætur kantaðir, lítið eitt sveigðir og eru í einu tré upp allt stólbak. Stólbakið myndar sveigðan ramma í rókokóstíl. Stiklaðir á innri brúnum. Setan er klædd með grænu flaueli á gorma eins og sófinn með strigaborðum til að styðja við gormana. Skrautborðar eru ljósir eins og á sófanum og mynda laufblöð sitt hvoru megin fremst og er setan borðalögð aftur úr, frá þeim og út á kantinn. Græn snúra er fest allan hringinn. Hæð á setu 36-46,5 sm. Breidd fram er fram er 43,5 sm, aftan 31,6 sm. Breidd bakslár er 39,2 sm. Stóll merktur a) í heilu lagi að mestu, þó aðeins jaskaður til. Stóll merktur b) er bilaður og hefur verið viðgerður, borað göt á fætur aftan á og skrúfaðir styrktarbitar innan á hann. Snúran að aftan er slitin. Að öðru leyti eins og a). Stóll merktur c) er alveg óskaddaður nema hann er ,,haltur". Stóll merktur d) er að öllu leyti óskaddaður. Hæð á bak: a) 90,7 b) 89,8 c) 90,9 d) 90,5