Skautar
Varðveitt hjá
Byggðasafnið Skógum
Par af heilum tréskautum með járnmeiðum, festingar vantar að hluta. Skautatréð er aðeins íhvolft að ofan og kjalarlaga að neðan. Neðst á kilinum er gróp sem járnmeiðarnir ganga upp í og þeir festir með nöglum sem ná í gegnum skautatréð: Við hælstykkið er á meiðunum flöt lykkja sem neglt er í gegnum með járnnagla sem nær í gegnum skautatréð, um miðjuna eru einfaldir járnpinnar sitthvoru megin meiðsins sem styðja við járnið. Við tánna eru lykkjur upp á rönd sem liggja við meiðinn en lykkjuleggurinn er rekinn í gegnum skautatréð. Í gegnum lykkjurnar og meiðinn er hnoðaður nagli.
Skautameiðarnir rísa hátt upp að framan í sveig og hringast í enda. Tvö gegnumboruð göt eru á skautatrénu, þar sem skautinn er mjóstur framan við hælinn og þar sem fer að mjókka fram í tá. Í afturgötunum eru enn hælfestingar, heilar leðurfestingar á öðrum skautanum en á hinum hefur leðurólin slitnað frá og verið gert við með reipi sem er þrætt í gatið en hælbandið er úr leðri. Ólarnar eru festar saman með litlum járnlykkjum, O- og D- laga. Framfestingar eru horfnar en í gegnum götin er þrætt reipi til að binda skautaparið saman og hengja upp.
Aðrar upplýsingar
Efni
Safnnúmer
Safnnúmer A: R-8373
Stærð
32.5 x 6.9 x 3.9 cm
Lengd: 32.5 Breidd: 6.9 Hæð: 3.9 cm
Staður
Staður: Eyvindarholt, 861-Hvolsvelli, Rangárþing eystra
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Skautar
Upprunastaður
63°38'55.7"N 19°56'22.8"W