Askur

1857

Varðveitt hjá

Mataraskur (karlmanns) úr furu. Hann er 14,7 cm hár 13,3 cm víður og 10,4 cm djúpur. Á mitt lokið er skorin tólfblaða rós og utan um hana sjö mynsturhringir allt út á brúnir loksins. Er mynstrið gert með ýmiss konar fleygskurði, þríhyrningar, fleygar og líkt og tvinnaður þráður. Til beggja hliða á lokinu er líkt og þverskornar blómakrónur, aftan og framan á lokinu eru fleygskornir bekkir og skáskornir, tvinnaður þráður og grópar líkt og hálft tungl. Á loktotunni ártalið 1857. Ofan á aftari höldustaf eru skornir tíu ferningar með x í hverjum og aftan á höldunni 17 þverrendur. Askurinn er prýðilegur gripur og vel gerður. Girðin eru nýlega endurnýjuð og aftasti stafurinn bættur að neðan. Askurinn virðist brenndur að innan. Askurinn er kominn frá Árna Sveinssyni bónda á Kálfstöðum. Ragnar Ásgeirsson fullyrðir að þessi askur og aðrir sömu gerð séu smíðaðir af Stefáni B. Jónssyni að Mallandi á Skaga (d. 1868). Í safninu eru tveir askar aðrir með sama handbragði, BSk-491 og 492, a.m.k. þrír í Þjóðminjasafni (6256, 12147 og 14456) og í byggðasafninu að Reykjaskóla (einn askur og eitt lok).