Fjöl, skráð e. hlutv.

1832

Varðveitt hjá

Fjöl úr kórþili Hofsstaðakirkju sem stóð 1832-1904. Lengd 77,5 cm og breidd mest 13,6 cm. Laufskorin og gegnskorin með miðjukringlu, sporöskjulaga kringla með þremur götum. Sitt hvoru megin kringlunnar eru aflöng lauf með eyrum ofan og neðan. Á þeim eru hjörtu, sem snúa sitt á hvað, á móti kringlunni. Fjölin er rauð, en brúnir hennar eru grænar. Málningin er orðin dauf öðru megin. Báðar fjalirnar (BSk-4060 og 4061) eru þannig til komnar að Örlygur Hálfdánarson bókaútgefandi gaf Byggðasafninu þær um leið og hann afhenti Skagfirðingum allt myndasafn sitt. Hann fékk fjalirnar frá Stefáni Stefánssyni bónda á Hofsstöðum. Þannig vildi til að er verið var að rífa bæinn, ytri bæinn, á Hofsstöðum um 1970 þá kom hann við þar unglingur. Búið var að brjóta bæinn og hann sá glitta í eitthvað milli þaks og veggs í broti sem gapti við honum. Þarna lágu þessar fjalir og hafði þeim verið stungið milli þils og veggjar einhver tíma löngu fyrr, sennilega er bærinn var viðgerður. Þannig björguðust þessar fjalir frá ýtutönninni. Örlygur gerði sér hins vegar enga grein fyrir mikilvægi þeirra fyrr en hann sá fjalir úr kirkjunni úr sama þili á þjóðminjasafni Dana, þar í sýningu og teikningar Jóhannesar Klein úr kirkjunni frá 1898. Í biskupsritinu frá 1905 segir að gömlu viðir kirkjunnar hafi verið seldir á 85 kr. Sjá þjóðlíf. bls 11.