Selskinn
1962
Varðveitt hjá
Byggðasafn Skagfirðinga
Selskinnssál úr kópaskinni með hárinu, sívöl í laginu, 59,5 cm löng og um 18 cm í þvermál. Botnarnir eru úr furu. Opið er á hliðinni, sporbaugslaga, bryddað með rauðu skinni, svo og brúnin á skinninu út til botnanna. Skinnið er neglt við botnana með eirsaum.
Sál þessi er ekki mjög lík sálum eins og þær gerðust, hún er heldur víð, lokið, sem oft var hneppt, vantar og bryddingunni er ofaukið. Sál þessi er gerð fyrir safnið vorið 1962 af Ögmundi Magnússyni söðlasmið á Sauðárkróki, en botnarnir settir í af Pétri Jónassyni á Sauðárkróki.
Um sálir segir í Íslenskum Þjóðháttum (2011) á bls. 235: "Oft höfðu menn og hnakkpoka, sem bundnir voru við hnakkinn að aftan; sumir höfðu og poka gerðan úr skinni, og voru kringlóttir trébotnar í; þessir skinnpokar voru oft gerðir úr selskinni og kölluðust skinnsálir; á báðum var opið til hliðar á miðju; í hnakkpokana voru settir margir hlutir, en sálirnar voru svo mjóar, að þær voru aðeins fyrir sína flöskuna í hvorum enda. (Skinnsálir þessar voru enn algengar á Suðurlandi eftir 1880, oftast gerðar úr selskinni.)"
Aðrar upplýsingar
Ögmundur Magnússon, Hlutinn gerði
Ártal
1962
Efni
Safnnúmer
Safnnúmer A: BSk-682
Stærð
59.5 x 0 x 18 cm
Lengd: 59.5 Hæð: 18 cm
Staður
Staður: Byggðasafn Skagfirðinga, Glaumbær, 560-Varmahlíð, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti