Líkfjöl

1955

Varðveitt hjá

Líkfjalir ásamt reiðing. Reiðingurinn er eins og BSk-376 og vísast til þess. Líkfjalirnar eru ein hvorum megin og liggja á klakkatorfunni eins og klyfberafjalir. Þær eru 50 cm langar og um 4,5 cm á hvorn veg hvor um sig, en heldur hærri að aftan og neðri hornbrúnin sneidd af. Fimm göt eru á hvorri fjöl, með misjöfnu millibili, gegnum tvö liggja kaðalsnæri er tengja fjalirnar saman yfir hestshrygginn, og eru 27-29 cm á milli fjalanna. Í mið- og endagötin ganga gagntök og móttök, og er sá útbúnaður alveg eins og á klyfberum. Gjarðirnar eru brugðnar úr brúnu hrosshári og hringjur úr horni, kringlóttar. Upp úr hvorri fjöl eiga að vera þrír stuttir járntittir til að skorða líkkistuna, en hún var reidd um þverbak og stutt við endann. (Sjá mynd í Ísl. þjóðháttum, 1934, bls. 303). Járntitti þessa vantar.