Askur

1868

Varðveitt hjá

Mataraskur úr furu, karlmannsaskur. Hann er 12,9 cm hár, 9,2 cm djúpur og um 13 cm víður. Á lokið mitt er skorin tólfblaðarós og sexblaðarós utan um og bekkir með skáskurði og fleygskurði allt út á brún. Til hliðanna er líkast þverskornum túlípana. Á totunni er þverbekkur efst og þrír grannir bekkir með skáskurði og fremst ártalið 1868. Aftast á lokinu eru tveir þverbekkir með fleygskurði og skáskurði, og fíngerðir tíglar á hlýrunum. Ofan á höldunni eru þrjú X og þverrandir á báðum höldunum. Aftari höldustafurinn er laggarbrotinn og neðsta girðið sprungið og lokið sprungið og músétið, og endurbætt á parti.