Göngustafur

1850

Varðveitt hjá

Byggðasafn Skagfirðinga

Göngustafur úr ljósum, hörðum viði, svartmálaður, 83,8 cm langur. Á honum er hnúður úr silfri, 6,9 cm hár ásamt hólknum sem er 2,6 cm að þvermáli en hnúðurinn mest 4,4 cm í þvermál. Hólkurinn slær sér út efst og er kveiktur við hnúðinn án þess að skörp skil séu á milli. Rendur eru umhverfis hólkinn og upphleyptur hringur neðarlega, og umhverfis hann líkt fíngerðri perlugjörð. Á milli efstu randanna er grafinn bekkur með skáröndum og stuttum þverröndum á milli. Ofan á hnúðinn er grafið rósaverk umhverfis upphleyptan hring, 1,7 cm í þvermál og innan í hringnum er kringlótt gullplata, 1,4 cm í þvermál. Við jaðra hennar er tenntur hringur en innan í skrautgrafnir stafirnir J H. Neðst á hólkinn er tvísettur stimpill silfursmiðsins; stafirnir FTH, upphleyptir í ferhyrndum reit (Friðfinnur Þorláksson silfursmiður á Akureyri.). Hnúðurinn er orðinn nokkuð dældaður og slitinn yst og gullplatan dælduð og rifin. Neðan á stafnum er oddlaus stálhnúður og ofan við hann hólkur úr nýsilfri, 7,2 cm langur. Virðist nýlegt. Ofan við hólkinn er þvermál stafsins 1,6 cm og gildnar hann upp og er efst við silfurhólkinn 2,5 cm í þvermál.