Karfa, óþ. notk.
1750 - 1780
Varðveitt hjá
Byggðasafn Skagfirðinga
Karfa riðin úr tágum. Hún er 10,9 cm há, þvermál við op um 9,8 cm, mjókkar 1,4 cm niður en breikkar síðan og er gildust um 3,8 cm neðan við opið, eða 13-13,3 cm. Eftir það dregst hún jafnt að sér til botns, sem er um 10,5 cm í þvermál. Lokið vantar og upprunalegur botn er farinn, en negldur hefur verið í kringlóttur furubotn.
Hringurinn við opið er brotinn á tveimur stöðum og auk þess eru tágar sundur hér og hvar. Í opinu eru tveir brunablettir.
Körfunni fylgir greinagerð er hljóðar svo:
"Karfa þessi er fundin - um 1880 - í kofarústum Fjalla-Eyvindar á Hveravöllum af Margréti Jónsdóttur á Stóru-Seylu eða í Holtskoti, en hún var þar í grasaferð. Lok körfunnar var þá ónýtt. Margrét gaf Birni Gíslasyni - þá í Glaumbæ, 10 ára, körfuna (1910) og hefur hann átt hana síðan, en gefur hana nú til Glaumbæjar 8.4.1954. Frá Birni Gíslasyni í Reykjahlíð við Varmahlíð."
Í Þjóðminjasafni (Þjms. 1627) er karfa nokkru stærri en þessi en með svipuðu lagi og heil, og er hún talin eftir Eyvind. Er mjög svipað eða sama handbragð á báðum körfunum, og mætti af því einu ætla þær riðnar af saman manni. Eyvindur kvað hafa verið snillingur að ríða körfur og hafi þær verið vatnsheldar. Þessi karfa (342) hefur verið mjög vel gerð og þétt í upphafi.
Aðrar upplýsingar
Ártal
1750 - 1780
Efni
Safnnúmer
Safnnúmer A: BSk-342
Stærð
0 x 13.3 x 10.9 cm
Breidd: 13.3 Hæð: 10.9 cm
Staður
Núverandi sveitarfélag: Skagafjörður, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti