Öskupoki
1925 - 1935
Varðveitt hjá
Þjóðminjasafn Íslands
Öskupoki, vélsaumaður úr hvítu silki en útsaumaður í höndum. Faldaður að ofan. Í aðra hlið pokans er saumað fangamarkið „ÓD“ (þ.e. fangamark þess er átti, Ólafs Daníelssonar). Í hina hliðina er útsaumuð mynd af akkeri með taug í sem hringar sig í kringum akkerið. Hægt er að sjá pennastrikin sem teiknuð voru á pokann og saumað eftir. Allur útsaumur er með gylltum silki- eða satínþræði. Pokanum er rykkt saman að ofanverðu með snúinni snúru úr sams konar gylltum þræði. Snúran er svo þrædd í gegnum efnið með jöfnu millibili allan hringinn og festir um leið niður faldinn. Á endum snúrunnar eru dúskar/skúfar úr sama þræði. Sams konar þráður er jafnframt notaður í kögur, með eins konar möskvum, sem fest er enðst á pokann.
Allir munirnir nr. Þjms. 2019-82 koma frá sama gefanda og voru í eigu afa hans, Ólafs Daníelsson (f. 1905, d. 1980), klæðskerameistara á Akureyri. Hann vann á saumastofu Gefjunar.
Aðrar upplýsingar
Ártal
1925 - 1935
Safnnúmer
Safnnúmer B: 2019-82-1
Stærð
18 x 10 cm
Lengd: 18 Breidd: 10 cm
Aðfangategund
Undirskrár
Undirskrá: Munasafn
Efnisorð / Heiti
Efnisorð: Öskupoki