Panta mynd Notkunarskilmálar

Askur

1850 - 1860

Varðveitt hjá

Byggðasafn Skagfirðinga

Askur úr dökkum viði. 23 cm langur "milli eyrna" (frá lok-hjör að lykkju framan á belgnum) en um 17 cm breiður á belg. Sennilega hefur verið gert við askinn, garðirnar þrjár virðast nýlegri en stafirnir. Mynstrið sem skorið er í lokið bendir til að askinn hafi gert Stefán askasmiður Jónsson (1832-1868) frá Mallandi á Skaga. Gefandi er Árni Sigurðsson (1927). Árni var sendur í fóstur til hjónanna Jóns Björnssonar (f. 1873 -d. 1959) og Guðrúnar Guðmundsdóttur (f. 1878- d. 1959) á Bakka í Viðvíkursveit í 4 ár þegar hann var unglingur. Þegar gömlu hjónin fluttu frá Bakka fékk Árni ýmsa hluti að gjöf en askinn keypti Árni á 80. kr. (á uppboði).