Hljóðfæri

1950

Varðveitt hjá

Langspil, smíðað m.a. úr viði úr bæjar- eða baðstofuþilinu úr gamla bænum á Bakka í Viðvíkursveit. Langspilið er sjálft 86 cm langt, auk 6 cm totu fyrir endanum; alls 92 cm langt. 10 cm hátt og 16 cm breitt. Langspilið er ljóst á litinn, gulleitt og sér í bleikt hér og þar. Nýsmíðin er ómáluð úr ljósum viði. Boginn er 67,3 cm langur og 4,5 cm breiður, úr dökkum viði og dökkum hrosshárum. Guðmundur Jónsson (f. 7.5.1906 - d. 1995) smíðaði langspilið og bogann árið 1950, úr gamla bæjar- eða baðstofuþilinu á Bakka í Viðvíkursveit. Guðmundur var sonur hjónanna Jóns Björnssonar (f. 1873 -d. 1959) og Guðrúnar Guðmundsdóttur (d. 1959) á Bakka í Viðvíkursveit. Gefandi er Árni Sigurðsson (13.11.1927). Árni var sendur í fóstur til hjónanna Jóns og Guðrúnar á Bakka í 4 ár þegar hann var unglingur. Þegar gömlu hjónin fluttu frá Bakka fékk Árni ýmsa hluti að gjöf. Guðmundur gaf Árna langspilið.