Mynd: Byggðasafn Skagfirðinga

Saumavél

1850 - 1900

Varðveitt hjá

Saumavél úr járni. Pallurinn, sem hún stendur á, er um 22,2 x 37 cm og kantar hans sveigðir og útflúr við neðri brúnir. Niður úr hornunum ganga stuttir dýrsfætur. Efra borð pallsins er á hjörum. Vélin er handsnúin og er handfangið úr hvítu postulíni. Er tannhjól innan á sveifarhjólinu sem snýr öðru minna sem er á enda áss þess er gengur fram eftir vélinni og hreyfir nálina og fótinn. Tveir tindar hafa verið ofan á vélinni fyrir tvinnakefli, annar er týndur nú og hinn er losaralegur. Spólurokkurinn er hálflaus á og gúmmíhringurinn farinn af hjólinu. Vélin hefur verið svört, en lakkið er víða fallið af, og ofan á pallinn er greypt rós og borði greyptur meðfram brúnum, hvort tveggja marglitt, en nokkuð skemmt nú. Ekkert verksmiðjumerki er sjáanlegt á vélinni, en hún mun vera meðal fyrstu gerða af saumavélum sem fluttust hingað til lands. Vélin er nothæf enn.