Bogi, við hljóðfæri
1900 - 1950
Varðveitt hjá
Byggðasafn Skagfirðinga
Langspil og bogi. Langspilið er af venjulegri gerð og smíðað úr krossviði og eik, 80,5 cm langt og 15,5 cm breitt þar sem það er breiðast (nær neðst) en kassinn er 7,5 cm breiður efst. Neðarlega á honum er lítið, hjartalaga op. Við aðra brún kassans er nótnastykkið; þunn krossviðarfjöl og eru gripin afmörkuð með vírklemmum.
Höfuðið er gert úr einu eikarstykki, örlítið skreytt með kroti og holað að framan. Ganga þar stillararnir tveir í gegn. Strengi vantaði, en af smáspottum sem eftir voru sást að þeir hafa verið úr venjulegu seglgarni. Nýir strengir úr hrosshári voru settir í 1990. Langspilið er lakkborið.
Boginn er úr eik (viðgerður með hnotu 1990 og settir nýir strengir í), 73,5 cm langur og um 3 cm breiður til endanna. Bogastrengirnir eru úr hrosshári og eru endarnir festir á bogann með fleygum.
Bæði langspil og bogi voru nýleg 1963 (lagfærð 1990) og hvort tveggja smíðað af Jóni Sigurðssyni (1864-1950) í Hofgörðum. Óvíst hvaðan það er komið til safnsins né hvenær en þó sennilega komið frá Skriðulandi í Kolbeinsdal úr eigu Kristins Sigurðssonar. Jón frá Hofgörðum á Snæfellsnesi var bróðir hans og var mjög hagur maður.
Aðrar upplýsingar
Jóhann Kristinn Sigurgeirsson, Hlutinn gerði
Jón Gunnlaugur Sigurðsson, Hlutinn gerði
Kristinn Sigurðsson, Notandi
Gefandi: Kristinn Sigurðsson
Jón Gunnlaugur Sigurðsson, Hlutinn gerði
Kristinn Sigurðsson, Notandi
Gefandi: Kristinn Sigurðsson
Ártal
1900 - 1950
Efni
Safnnúmer
Safnnúmer A: BSk-7
Stærð
80.5 x 15.5 cm
Lengd: 80.5 Breidd: 15.5 cm
Staður
Staður: Skriðuland, 551-Sauðárkróki, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
65°46'24.1"N 19°5'36.4"W