Til baka í leit
Veistu meira?

Búningur, almennt

Varðveitt hjá
Byggðasafn Skagfirðinga
Upphlutstreyja úr svörtu klæði. Síddin að framan frá öxlum að mitti er 37,3-38 cm og lengd baksins 27,7 cm. Handvegir og hálsmál eru brydduð rauðu vaðmáli. Um 1,9 cm breiðir borðar úr svörtu flaueli, ísaumaðir rauðu og grænu rósaverki, liggja eftir miðju baki og í boga út að handvegunum og liggja grannar vírsnúrur meðfram jöðrum þeirra. Að framan eru svartir lóðréttir flauelsborðar og á þá saumaðar millurnar, sem eru úr silfri, fimm hvorum megin. Þær eru 3,3 cm langar og um 2,1 cm breiðar, með víravirki og líkastar áttablaðarós. Í miðjunni er upphleyptur ferningur. Tvær millurnar eru örlítið frábrugðnar hinum, en þó af sömu gerð. Snúran er grönn silfursnúra, 48 cm löng og á henni lás með silfurmagnsstimplinum 830 á (snúran og lásinn nýtt). Nálin er úr silfri, 4,55 cm löng, ferstrend um miðju, skreytt langröndum og höggum í brúnirnar. Til endanna eru skorur umhverfis og auga á efri enda. Utan við flauelsborðana að framan eru aðrir styttri, brúnir að lit, og á þá baldýraðar blómjurtir með grænum, brúnum og rauðleitum silkiþræði og silfurvír. Meðfram jöðrum borðanna er snúra úr silkiþræði og silfurvír. Treyjan er fóðruð með hvítu lérefti og neðan á henni jaðar úr bláleitu lérefti. Krókar eru neðst á treyjunni. Víða eru mölétin smágöt á treyjunni og eru sum þeirra rimpuð saman.

Aðrar upplýsingar

Efni
Safnnúmer
Safnnúmer A: BSk-526
Stærð
27.7 x 38 cm Lengd: 27.7 Breidd: 38 cm
Staður
Staður: Kálfsstaðir, 551-Sauðárkróki, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Búningur, almennt
Efnisorð: Fatnaður
Efnisorð: Föt
Efnisorð: Treyja
Efnisorð: Textíll
Efnisorð: Upphlutsvesti
Efnisorð: Upphlutur
Efnisorð: Þjóðbúningur

Upprunastaður

65°44'15.6"N 19°9'57.9"W