Hirsla, húsmunur
Varðveitt hjá
Byggðasafn Skagfirðinga
Kistill úr furu, geirnegldur, um 18,2 x 30,5 cm, hæð um 15,9 cm. Botn og lok ná út fyrir kassann, og þó lokið meira.
Handraði með loki er til vinstri í kistlinum og er lokið strikheflað við frambrún. Á brúnir kistilloksins er negldur um 3,5 cm breiður listi, strikheflaður á innri rönd, og neðan á þann lista er að framanverðu og til hliðanna festur mjór listi er gengur niður á kassann. Ofan á lokinu er eikarlisti, um 7,2 x 23,35 cm, allur gagnskorinn laufverki og stöfunum H Th D A (Hólmfríður Þorláksdóttir á).
Lamir eru úr látúni, nýlegar, en læsing engin.
Kistillinn hefur fyrrum verið grænn og strikin á loklistunum rauð, en nú er hann málaður dökkblár utan svo og lokið að innan og lokið á handraðanum. Stafirnir á loklistanum eru að mestu rauðir en laufin blá og jaðarinn umhverfis rauður og blár. Eikarlistinn virðist þó allur hafa verið blár áður.
Kistillinn er prýðilegur gripur, en málningin lítillega máð af brúnum og smástykki eru felld í lok og bakið við lamirnar. Botninn er sprunginn.
Aðrar upplýsingar
Gefandi: Hólmfríður Árnadóttir
Safnnúmer
Safnnúmer A: BSk-527
Stærð
18.2 x 30.5 x 15.9 cm
Lengd: 18.2 Breidd: 30.5 Hæð: 15.9 cm
Staður
Staður: Kálfsstaðir, 551-Sauðárkróki, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
65°44'15.6"N 19°9'57.9"W