Til baka í leit
Veistu meira?

Blæja

1850 - 1900
Varðveitt hjá
Byggðasafn Skagfirðinga
Faldbúningur með tilheyrandi belti, koffri, faldi og slæðu. Búningurinn er úr svörtu klæði, erlendu. Hann er um 135 cm síður að aftan og er hann rykktur að neðan. Umhverfis hálsmálið og niður að beltisstað er um 4,2 cm breiður dökkbrúnn flauelsborði með baldýruðum blómsveigum úr silfurvír og pallíettum. Á bakinu eru tveir mjórri borðar úr sams konar flaueli, baldýraðir á röndum, og liggja þeir frá miðju baki og í boga upp að handvegunum. Líningar eru úr dökkbrúnu flaueli, skatteraðar með sams konar mynstri og hálsmálið og klauf á þeim að neðan. Neðst á búningnum er brydding, sömuleiðis úr brúnu flaueli, báruskorin að ofan og ofan við hana er saumaður hringinn í kring blómabekkur úr brúnu flaueli og á jaðrana saumuð svört snúra. Vinstra megin er búningurinn opinn á kafla og þar smellur á. Treyjan er fóðruð með smáköflóttu lérefti en pilsið neðst með bláleitu lérefti með bláum og rauðum mynsturbekkjum. Beltið er úr dökkbrúnu flaueli um 3,5 cm breitt og á það skatteraðir blómteinungar með silfurvír, en þó annað mynstur en á treyjunni. Á hvorum enda þess er ferhyrndur silfurskjöldur, 3,8 x 4,9-5,2 cm og á þeim ferhyrndur rammi með áttablaðrós úr flötu víravirki og sléttri kringlu í miðju. Beltinu er lokað með ferhyrndum skildi sem hinir krækjast í. Hann er 5,1 x 5,1 cm og hliðarnar örlítið bogadregnar og með sams konar mynstri og hinir skildirnir tveir. Á öðrum þeirra er stimpill silfursmiðsins, nafnið BJÖRN upphleypt í ferhyrndum reit (Björn Símonarson gullsm. á Sauðárkróki?). Koffrið er gert úr hvítum silkiborða um 54 cm löngum og 3,2 cm breiðum. Á hann eru saumaðar 24 fimmarma látúnsstjörnur, gyllaðar. Þær eru hæstar í miðju og gengur hryggur frá miðju og fram að hverju oddi. Mesta lengd milli odda er um 2,7 cm. Faldurinn er úr hvítu lérefti og með papparönd að ofan og klæddur silki. Hann er um 15 cm hár. Slæðan er úr hvítu, netofnu efni, um 70 x 90 cm, með ísaumuðum blómabekk og skrautbekk við jaðra og að ofan rykkt saman með snúru. Hún mun erlend að efni og gerð. Búningurinn er orðinn nokkuð slitinn og víða mölétin á hann smágöt. Af stjörnunum í koffrinu er farinn mesti glansinn og í slæðunni ryðblettir og göt. 

Aðrar upplýsingar

Ártal
1850 - 1900
Efni
Safnnúmer
Safnnúmer A: BSk-525
Staður
Staður: Kálfsstaðir, 551-Sauðárkróki, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Blæja
Efnisorð: Belti, + hlutv.
Efnisorð: Búningur, almennt
Efnisorð: Faldur
Efnisorð: Faldbúningur
Efnisorð: Fatnaður
Efnisorð: Föt
Efnisorð: Koffur
Efnisorð: Treyja
Efnisorð: Textíll
Efnisorð: Þjóðbúningur

Upprunastaður

65°44'15.6"N 19°9'57.9"W