Hnífur, skráð e. hlutv.

1850 - 1900

Varðveitt hjá

Byggðasafn Skagfirðinga

Pappírshnífur úr beini. Skaftið er skorið úr sem fiskur, og gengur blaðið fram úr kjaftinum. Kjaftur fisksins er opinn og eru í honum stórar tennur. Eyruggarnir eru mjög stórir og skornir í sama stykki og fiskurinn, en gotraufaruggi og báðir bakuggar skornir úr sérstökum stykkjum, en nú er einungis til aftari bakugginn. Hreistrið er greinilegt á baki fisksins, röndin er upphleypt og á kviðnum er líkast brynjum er ná yfir fiskinn þveran. Sporðurinn er hálfhringlaga, sveigður, og geislar allir skýrir, sem og á hinum uggunum. Fiskurinn er 14,2 cm langur, og verður tæplega talinn til einnar tegundar fremur en annarrar. Blaðið er 10,6 cm langt, eggin bogin og bakkinn sömuleiðis og með sveig framarlega. Á báðar hliðar þess eru skornir laufteinungar. Alls er hnífurinn 24,8 cm að lengd.