Panta mynd Notkunarskilmálar

Fatageymsla

1880 - 1942

Varðveitt hjá

Byggðasafn Skagfirðinga

Kista úr furu, geirnegld með kúptu loki. Handraði með loki vinstra megin í kistunni. Skráin er enn í lagi og það er lykill í henni. Kistan er grænmáluð, ofan á loki er rauður „hálfmáni“ með fjórum grænbláum fléttum hangandi niður úr og á brúnunum eru doppur, grænbláar fjórar eða fimm saman. Framan á er allsérkennileg skreyting, tvö blómknippi eru bundin saman með bláum mjóum borða þannig að þau mynda einskonar krans. Í hvorum blómvendi eru tveir ávextir rauðgulir, sem líkjast appelsínum. Upp úr ávöxtunum rísa blágrænar greinar og lítil blóm, hvít með rauðgulri miðju (baldursbrá). Kistan er 112 cm löng (114 cm á loki), efst er hún 49 cm breið en neðst er hún 40,5 cm. Hæð með loki 57 cm, dýpt innanmáls 44 cm.