Krullujárn

1900 - 1930

Varðveitt hjá

Byggðasafn Skagfirðinga

Krullujárn, bylgjujárn úr járni með eikarhaldi. Lengd 23 cm. Tveir teinar ganga framúr öðru haldinu en á hinu er bárulaga járnþynna sem teinarnir falla á. Hárið klemmist á milli teina og tanga og liðast milli heitra járnanna, sem voru hituð á eldavélarhellu. Það var hægt að gæta hitans með því að prufa það á pappír, ef hann gulnaði voru járnin of heit. Sigríður Gunnarsdóttir (1894-1985) átti þessi krullujárn og notaði þau ævinlega þegar hún fór af bæ, t.d. til kirkju eða í fínni heimsóknir. Hún notaði járnin síðast á jólunum 1984, árið áður en hún dó. Sigríður Sigurðardóttir, barnabarn Sigríðar gaf safninu járnin. Hún aðstoðaði ömmu sína oft við að nota þau.