Hljóðfæri
Varðveitt hjá
Byggðasafn Skagfirðinga
Langspilið er úr þunnum furufjölum og eik og eru allar hliðarnar beinar. Lengdin er alls um 75,5 cm. Neðst er ferhyrnd stétt og ná brúnir hennar út fyrir kassann sem er neðst er 13,2 cm breiður og 8,2 cm þykkur en efst er hann 4,8 cm breiður og 5,5 cm þykkur og þar listar umhverfis kassann.
Höfuðið er úr einu eikarstykki úrgreyptu að framan og ganga stillararnir sem eru tveir þar í gegn. Annar er úr eik en hinn úr furu. Efst á höfuðið er skorinn líkt og vindingur er vinst fram á við. Niður úr kassanum gengur tappi, líkur stillara að gerð, og virðast strengirnir hafa verið þrír enda er á höfðinu nagli sem miðstrengurinn sýnist hafa verið festur í. Einungis einn strengjanna hefur þó legið yfir nótnastykkið, sem er þunn fjöl með látúnslykkjum, fest á aðra rönd kassans.
Á efri hlið kassans er neðst tígulllaga gat með innsveigðum hliðum og neðan á kassanum eru tveir tappar er strengirnir hafa verið festir í. Langspilið virðist allgamalt. Það er blámálað nema nótnastykki, botnstykki og listarnir efst sem er grænt og höfuðið hefur e.t.v. verið grænt áður. Allt er það nýlega lakkað.
Aðrar upplýsingar
Safnnúmer
Safnnúmer A: BSk-224-a
Stærð
75.5 x 13.2 x 8.2 cm
Lengd: 75.5 Breidd: 13.2 Hæð: 8.2 cm
Staður
Staður: Bakki, Skagafjörður
Aðfangategund
Undirskrár
Undirskrá: Almenn munaskrá
Efnisorð / Heiti
Upprunastaður
65°45'54.1"N 19°23'30.5"W