Dragkista

1890 - 1920

Varðveitt hjá

Skatthol úr eik og furu, 48 x 87,5 cm og um 89 cm hátt. Undir því neðst er fótstykki úr fjórum rammafjölum, úrtekið að framan og á hliðum. Þrjár skúffur eru í skattholinu, hin efsta grynnri og mjórri en hinar tvær. Framhliðar þeirra eru heflaðar líkt og með sveigum. Til hliðar við efstu skúffuna eru stokkar til að draga fram og láta halllokið hvíla á. Undir halllokinu eru þrjár litlar skúffur til hvorrar handar og lítill skápur í miðju með skrá og lykli, hvoru tveggja úr járni. Milli skápsins og skúffanna eru litlar skúffur efst, ein hvorum megin, og undir þeim opin hólf. Í halllokinu er járnskrá með járnlykli og gengur sá lykill einnig að miðskúffunni að framan, en skráin úr neðstu skúffunni er týnd. Í efstu skúffunni, sem eigi er hægt að draga út sökum þrota, er látúnshnappur sem handfang, en áður hefur verið þar halda. Skúffunni hefur verið læst með því að stinga teini niður í framhlið hennar undir halllokinu. Hliðar, yfirfjöl og skúffur eru úr eik svo og skáphurðin og skilrúmin undir hallokinu, en bakið, halllokið, botnramminn o.fl. úr furu. Skattholið er mest allt málað dökkbrúnt, en hefur líklega verið ljósbrúnt áður, því að ofan á yfirfjölinni er stór blettur með þeim lit. Það er orðið hnjaskað og skúffur þrútnar í, og er á skattholinu öllu látlaus smíð.