Mynd: Byggðasafn Skagfirðinga

Ketill, óþ. hlutv.

1850 - 1900

Varðveitt hjá

Ketill úr eir, með teketilslagi. Botninn er kringlóttur, 13,5 cm í þvermál og hæð ketilsins á barma 14,2 cm en 18,9 cm á lokhnúð. Ofan við botninn mjókkar ketillinn, en víkkar síðan aftur og er víðastur ofan við miðju og þvermál þar 17,5 cm, en við lokið um 9,9 cm. Stúturinn er S-laga og sveigist allmikið fram. Halda úr mahogny er aftan á katlinum, og ganga endar hennar inn í eirhólka. Lokið er kúpt um miðju og fellur innan í op ketilsins, á því er hnúður úr hvítu postulíni festur með járnskrúfu. Smádældir eru í belg ketilsins. Hann er kominn til safnsins með glóðarkerinu BSk-432, en á þó ekki við það í öndverðu.