Mynd: Byggðasafn Skagfirðinga

Hirsla, húsmunur

1782

Varðveitt hjá

Kistill, úr furu. Stærð 42 x 22,5 x 23,5 cm á ystu brúnir. Kassinn er geirnegldur. Rammi á neðri brún hans og á loki eru tappaðir á. Brúnir eru strikaðar og ofan á loki er útskurður í ramma mjög skrautlegur rókókóstíll! Í útskurðinum bregður fyrir rókókóskum fléttum með renaissance einkennum og á sama hátt eru barrokk einkenni á útskurðinum því hann er það djúpur. Þarna má sjá tvo hvíta svani á samfléttuðu samhverfu útflúri. Kistillinn er allur málaður í dempuðum jarðlitum en skýrum. Hliðar kistilsins eru brúnar, bak albrúnt, en framhlið og gaflar eru í rauðbrúnum akurlit (ryðrautt). Á göflum og framhlið eru bláir rammar. Á göflum er skrifað á bláa flötinn með hvítu: Anno á öðrum og 1782 á hinum. Framan á er stærsti flöturinn og þar á er fínlegt blómsturmynstur í grænum, brúnum, bleikum og rauðum lit. Á blómbrúnum og blaði eru fínlega dregnar hvítar línur. Einnig utan með bláa fletinum. Listar á kistlinum neðanverðum eru dökkbrúnir. Rammi á loki er í grænum og ryðrauðum lit. Lokið er í sama lit og utan um skrautrammann, þ.e. er sami dökkblái liturinn og á hliðum. Útskurðurinn er í grænum, bláum, hvítum, rauðum og brúnum lit. Kistillinn er ómálaður að innan. Í honum eru tveir handraðar. Uppi til vinstri og niðri til hægri, báðir með loki. Lauf og lykill eru úr kopar og er lykillinn með kórónu. Hólkar utan um járnkróka eru í stað hjara. Járnkrókar ganga einnig ofan í teningajárnið sem er klætt koparþyrnum.