Til baka í leit
Veistu meira?

Ruggustóll

Varðveitt hjá
Norska húsið - Byggðasafn Snæfellinga og Hnappdæla
Ruggustóll með útsaumuðum púðum.  Með þessari gjöf fylgir gjafabréf og er innihald þess svohljóðandi:                                                                                                                                  Gjafabréf.                                                                                                                                                                                                                    Tvennir húsmunir frá heimili Josephinu Antoniu Thorlaciusar hafa fallið mér í hlut úr dánarbúi móðursystur minnar Guðrúnar Zoëga. Um er að ræða ruggustól og dragkistu (kommóðu) sem hér fylgja. Á ruggustólnum er hlífðaráklæði krosssaumað, sem ég gerði til endurnýjunar á fyrra áklæðið með sama hætti og það var gert. Hér er að mínu mati um muni að ræða sem hafa mikið sögulegt gildi og að við hæfi sé að þeir verði varðveittir og sýndir sem næst sínum uppruna. Með bréfi þessu er staðfest að ég færi Byggðasafni Snæfellinga og Hnappdæla húsmuni þessa til eignar og varðveislu. Saga þeirra eftir því sem ég best veit er eftirfarandi: Josephina Antonia fædd Thorlacius giftist Boga Thorarensen og bjuggu þau að Staðarfelli í Reykhólasveit (rétt Fellsströnd). Þau áttu tvær dætur (rétt er fjórar dætur) og önnur (ein) þeirra Herdís bjó lengst af í Frúarhúsinu í Stykkishólmi og í fyrstu ásamt móður sinni eftir að hún varð ekkja. Amma mín Geirþrúður dóttir Geirþrúðar dóttur Ásdísar Lýðsdóttur og Holgers Clausen kaupmanns í Ólafsvík og Stykkishólmi ólst upp samtíða Herdísi í Stykkishólmi, og voru þær alla sína tíð tengdar vináttuböndum.  Geirþrúður giftist Helga Zoëga kaupmanni og bjuggu þau í Reykjavík. Herdís varð ekki barna auðið, en Guðrún móðursystir mín ein af börnum Geirþrúðar og Helga ólst að hluta upp hjá Herdísi. Móðir mín Jósefína Antonía Helgadóttir Zoëga er skýrð í höfuðið á móður Herdísar.  Stólinn og dragkistan hafa hugsanlega verið hluti af arfshlut Josephihe dóttur Árna, farið síðan til Herdísar, þaðan fallið í hlut Guðrúnar móðursystir minnar, en að lokum fallið mér í skaut.  Evelyn Þóra Hobbs Aths. 2019. Dætur Jósefínu og Boga voru fjórar: Anna Magdalena (1856 - 1896), Hildur (1857 -  1878), Herdís (1860 - 1938) og Guðrún Anna (1861 - 1870).

Aðrar upplýsingar

Efni
Safnnúmer
Safnnúmer A: BSH-2658
Stærð
83 x 47 x 100 cm Lengd: 83 Breidd: 47 Hæð: 100 cm
Staður
Staður: Norska húsið, Hafnargata 5, 340-Stykkishólmi, Sveitarfélagið Stykkishólmur
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Ruggustóll

Upprunastaður

65°4'37.9"N 22°43'36.9"W