Askur
Varðveitt hjá
Byggðasafn Skagfirðinga
Mataraskur (kvenmanns) úr furu. Hann er 13 cm hár, 12,5 cm að þvermál og 9,5 cm djúpur. Gjarðir eru úr sviga.
Á mitt lokið er skorin 16-blaða rós, þar utan um nokkurs konar stjarna með átta oddum og tveir mynsturhringir með fleygskurði. Utar á lokinu er grunnur mynsturhringur og upphleyptur hringur úti við brúnir og utan hans smástrik er vita út á brúnir. Til beggja hliða á lokinu eru skorin blöð sem líkjast liljum. Fremst og aftast á lokinu eru þverskurður og aftast skástrikaðir langbekkir. Ofan á aftari höldustaf eru skorinn þrjú x og skorur aftan á stafnum.
Vel gerður og mjög líkur askinum BSk-81 og eru þeir vafalaust báðir eftir sama mann. Askurinn er farinn að láta á sjá orðinn gisinn og girðin laus, botninn verptur og sprunginn. Þrír stafir eru laggabrotnir og lokið er sprungið um þolinmóð og kvarnað ofan af því á einum stað. Askurinn virðist hafa verið brenndur innan.
Hann var eign og matarílát Magnúsar Ásmundssonar bónda á Illugastöðum í Fljótum (d. 1883, 50 ára) og áður eign móður hans Aðalbjargar (f. 1795). Síðast var hann eign Jónu Guðmundsdóttur húsfrú á Berghyl, sem gaf hann safninu árið 1957.
Aðrar upplýsingar
Efni
Safnnúmer
Safnnúmer A: BSk-140
Stærð
12.5 x 12.5 x 13 cm
Lengd: 12.5 Breidd: 12.5 Hæð: 13 cm
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Askur
Efnisorð: Mataraskur
Efnisorð: Matarílát
Efnisorð: Stafaílát, þekkt notk.
Efnisorð: Ílát, óþ. notk.
Efnisorð: Útskurður
Efnisorð: Mataraskur
Efnisorð: Matarílát
Efnisorð: Stafaílát, þekkt notk.
Efnisorð: Ílát, óþ. notk.
Efnisorð: Útskurður