Fjölskylda

01.01.1937 - 01.01.1942

Varðveitt hjá

Þórður Þórðarson, Sléttabóli, fæddist í Hörglandshreppi þann 12. janúar 1893. Þórður fór fyrst til Vestmannaeyja árið 1912 til þess að stunda sjóinn. Þórður byrjaði á Unni II með Þorsteinn Jónsson í Laufási og var með honum fram til ársins 1920. Árið 1921 hóf hann formennsku með Mínervu og eftir það var hann með ýmsa báta. Árið 1941 hóf hann formennsku á Ófeigi I en fórst á honum 1. mars 1942 með allri áhöfn í suðaustan ofviðri norðvestur af Eyjum. Guðfinna Stefánsdóttir húsfreyja á Sléttabóli fæddist 11. október 1895 og lést 5. maí 1971. Guðfinna kom í Mýrdal frá Nesi í Norðfirði með foreldrum sínum 1900, var tökubarn í Hjörleifshöfða og síðan vinnukona þar 1900-1914. Þá fór hún að Eystri-Skógum u. Eyjafjöllum, fór til Reykjavíkur og kom þaðan að Norður-Vík og var þar vinnukona 1917-1918. Hún var komin til Eyja 1920, var þá húsfreyja á Brimnesi. Þau voru leigjendur á Melstað 1921-1922, voru komin að Sléttabóli 1923 og þar var Guðfinna enn 1942. Guðfinna fluttist til Eyrarbakka og lést 1971. Börn: Sigríður Þórðardóttir húsfreyja á Eyrarbakka, f. 24. mars 1921, d. 12. janúar 1996. Bára Þórðardóttir, f. 23. febrúar 1924, síðast á Eyrarbakka, d. 12. janúar 2001. Eyþór Þórðarson vélstjóri, skjalavörður í Reykjavík, f. 4. nóvember 1925, d. 16. október 1998. Stefanía Þórðardóttir verkakona á Eyrarbakka, f. 20. október 1930, d. 1. desember 2013. Ási Markús Þórðarson vélstjóri, f. 22. júní 1934, d. 18. ágúst 2002.