Matrósaföt

01.01.1930 - 01.01.1940

Varðveitt hjá

Torfi Einarsson, Áshól, fæddist 17. janúar 1889 að Varmahlíð undir Eyjafjöllum og lést 30. október 1960. Kona hans var Katrín Ólafsdóttir úr Mýrdal. Þau áttu fjögur börn, en Katrín lést þegar þau öll voru ung. Það féll því í hendur Torfa að ala upp börnin. Börnin voru Ása, Einar, Björgvin og Þórarinn. Þórarinn var sá eini sem ílengdist í Eyjum, hin fluttu til Reykjavíkur. Ekki var foreldramissir Torfa ókunnur, því faðir Torfa lést þegar Torfi var í vöggu. Torfi og fjölskylda bjuggu á Áshól við Faxastíg. Hann hóf 15 ára sjómennsku frá Eyjafjallasandi. Árið 1912 fór Torfi til Vestmannaeyja og var þar sjómaður á hinum ýmsu bátum þar til hann hóf formennsku á Erni. Eftir það er Torfi formaður á Happasæl, Ingólfi og Gammi allt til ársins 1940. Þá fór hann í land og vann við fiskvinnslu í frystihúsunum. Torfi var dugmikill og vann eftir því sem þurfti í landi eða á sjó. Torfi er þriðji frá hægri í neðri röð. Þórarinn Torfason fæddist 3. september 1926 í Áshól í Vestmannaeyjum og lést 10. október 1996. Foreldrar hans voru Torfi Einarsson og Katrín Ólafsdóttir. Eiginkona Þórarins var Sigurlaug Ólafsdóttir frá Miðgarði í Vestmannaeyjum. Þau byggðu sér einbýlishús að Illugagötu 29. Þórarinn er hægra megin við föður sinn Torfa. Björgvin Torfason 7. ágúst 1925 - 11. desember 1980Var á Faxastíg 17, Vestmannaeyjum 1930. Síðast bús. í Reykjavík. Björgvin er vinstra megin við föður sinn Torfa. Aðrir nefndir á myndinni. efsta röð fv: Brynjólfur Brynjólfsson Hásteinsvegi 52, fæddur í Hrauk í V-Landeyjum 16. janúar 1910 og dáinn 31. janúar 1993. Hann tók vélstjórapróf í Vestmannaeyjum 1937, og skipstjórapróf 1941, einnig í Vestmannaeyjum. Hann var vélstjóri hjá Ármanni á Látrum á m/b Olgu 1938 og á Ísleifi 1939-1940. Formennsku fór hann með á Ísleifi 1941 og 1942. Hann var aflakóngur það ár. efsta röð annar frá hægri: Sigurjón Sigurðsson fisksali frá Brekkuhúsi fæddist 6. mars 1890 í Hallgeirsey í Landeyjum og lést 8. júní 1959. Sigurjón fór til Vestmannaeyja 2 ára gamall með foreldrum sínum, Sigurði Sveinbjörnssyni og Sigurbjörgu Sigurðardóttur. Hann ólst upp á Fögruvöllum og síðar í Brekkuhúsi. efsta röð annar frá vinstri: Þorsteinn Jónsson 29. mars 1911 - 4. júlí 1995. Bóndi á Eystri-Sólheimum í Mýrdal, V-Skaft. Var á Seljavöllum, Eyvindarhólasókn, Rang. 1930. Síðast bús. í Mýrdalshreppi.