Bræður

1900 - 1910

Varðveitt hjá

Magnús Knútur Sigurðsson 7. febrúar 1876 - 10. mars 1950. Lausamaður í Hrútafelli, Eyvindarhólasókn, Rang. 1910, skráður til heimils í Dalsseli, Vestur-Eyjafjallahr., Rang.. Bóndi í Seljalandsseli, Ásólfsskálasókn, Rang. 1930. Verkamaður í Reykjavík 1945. Magnús er til hægri á myndinni. Sigurður Sigurðsson var fæddur 27. júlí 1883, sonur hjónanna Margrétar Sveinsdóttur og Sigurðar Sigurðssonar frá Barkarstöðum í Fljótshlíð. Foreldrar hans bjuggu allan sinn búskap á Seljalandi undir Eyjafjöllum og þar ólst Sigurður upp ásamt fjórum bræðrum og einni systur. Árið 1906 giftist Sigurður heitkonu sinni Sigríði Jónsdóttur frá Vesturbænum á Seljalandi,sem hann missti 1923 frá 6 börnum þeirra, því elsta 17 ára. Árið 1907 fluttust þau hjón til Vestmannaeyja og var Sigurður meðeigandi í vélbát, er þá voru óðum að ryðja sér til rúms, og gerðist hann vélstjóri á honum. Bátur þessi hét Sigríður formaður. Árið 1928 lagði hann fyrir sig smíðar, en trésmíði hafði hann lært á unga aldri, og hafði verkstæði bæði með öðrum og sjálfstætt, og á verkstæðinu vann hann þar til hann andaðist 25. janúar 1961 á Sjúkrahúsi Vestmannaeyja.