Brennivín

1990 - 1995

Varðveitt hjá

Flaska með brennivíni. Heitir Hekluglóð. Framleitt árið 1990 sem minjagripur. Flaskan er í upprunalegum umbúðum og meðfylgjandi er lítill bæklingur um Heklu á íslensku, dönsku, ensku, þýsku og frönsku. Á umbúðunum er líka texti um eldgos í Heklu á ensku og mynd á hliðum kassans af Heklugosi sem tekið er af íslandskorti Guðbrands Þorlákssonar/Abraham Ortelius, 1599. Flaskan er lítil, um 12 cm á hæð, 100 ml. Á miðanum stendur Hekluglóð - Hekla´s fire. Fine Icelandic Schnapps og mynd af eldgosi og Heklu. Á kassanum stendur : Hekluglóð. Hekla´s Fire. Fine Icelandic Shnapps. 40%, 100 ML. Manufactured in Iceland by the State Wine, Spirit and Tobacco Monopoly. Á Íslensku stendur í bæklingnum: Gátt Vítis, eða jafnvel sjálft Helvíti, er í eldfjallinu Heklu. Því trúði almenningur í Evrópu á Miðöldum. Máttur fjallsins var slíkur að ógrynni furðusagna varð til um tengsl fjallsins við myrkrahöfðingjann. Síðasta stórgos í Heklu, þessa fræga íslenska eldfjalls var árið 1947 og stóð það yfir í heilt ár. Náttúruöflin minna stöðugt á sig því ávallt rýkur úr aðalgíg Heklu, þrátt fyrir sísnævi eða jökul á tindi fjallsins. Jökulbráðin sem myndast á fjallinu hreinsast í hraunum Heklu og seytlar fram við fjallsræturnar. Þar sprettur fram ferskt og tært lindarvatn sem veitir háfjallaplöntum líf í svörtum og eyðilegum vikursandinum. KJarni þessa drykkjar er Hekluvatn og háfjallagrös - hrein og magnþrungin efni.