Hreppstjóri

01.01.1890 - 01.01.1910

Varðveitt hjá

Jón Einarsson Hemru var fæddur í Hrífunesi í Skaftártungu 10. maí 1852, sonur Einars (d. 1888) bónda í Hrífunesi, Bjarnasonar (d. 1852) á Þykkvabæjarklaustri, Jónssonar, og Ouðrúnar Jónsdóttur frá Dakka í Landeyjum. í Hrífunesi ólst ]ón upp og var þar til 27 ára aldurs; kvæntist þar árið 1877 Hildi Vigfúsdóttur hreppstjóra á Flögu í sömu sveit, en fluttist 1879 að Hemru þar í sveit og reisti þar bú; keypti hann jörðina og bjó þar upp frá því, eða 43 ár. Hann gegndi flestum þeim trúnaðarstörfum, er fyrir koma í hjeraði og jafnan var hann kvaddur til hinna vandasömustu verka. Hreppsnefndaroddviti Skaftártunguhrepps var hann 30—40 ár, eða frá því að hreppaskifting varð þar og jafnframt um tíma oddviti Leiðvallarhrepps hins forna, sýslunefndarmaður um langt skeið og amtsráðsmaður, safnaðarfulltrúi, fræðslunefndarmaður og Ioks hreppstj. síðustu 10 árin. Jón var svo sæmdur dannebrogsorðu. Jón lést 5. maí 1922.