Brúðarkjóll
1918
Varðveitt hjá
Þjóðminjasafn Íslands
Brúðarkjóll úr hvítu (fílabeinshvítu) silki, frá árinu 1918. Kjóllinn er skósíður (sídd 130 cm) og hannaður eins og hlýrakjóll úr glansandi silki og innundir saumuð síðerma blússa úr þynnra, hálfgegnsæju efni. Sama efni er í pilsinu framan- og aftanverðu. Í mittið er lindi með slaufu á. Kjóllinn, og blússan undir, eru smellt að aftanverðu frá mitti og uppúr. Fremst á ermum eru einnig smellur. Kjóllinn er fóðraður með bómullarefni. Í mittið að innanverðu er saumaður lindi úr bómullarefni sem krækt er að aftan. Í þennan linda eru saumaðar spangir. Kjóllinn er í góðu ástandi, en efnið er orðið viðkvæmt sökum aldurs. Örfáir blettir eru í kjólnum, þó ekki mjög áberandi. Í lok árs 2011 voru saumarnir yfirfarnir af Margréti Gísladóttur textílforverði.
Aðrar upplýsingar
Ártal
1918
Safnnúmer
Safnnúmer B: 2011-100
Stærð
130 x 0 cm
Lengd: 130 cm
Staður
Núverandi sveitarfélag: Reykjavíkurborg, Reykjavíkurborg
Aðfangategund
Undirskrár
Undirskrá: Munasafn
Efnisorð / Heiti
Efnisorð: Brúðarkjóll