Brekán
1990
Varðveitt hjá
Byggðasafnið í Görðum á Akranesi
Brekánsábreiða úr bláu, rauðu, brúnu og gráu bandi. Stærð: 120 x 227 sm. Efni: Uppistaða er fjórþætt, dökkbrúnt band frá Álafossi, litað af Sigríði Halldórsdóttur. Ívaf er að mestum hluta jurtalitað, tvinnað band, einnig blátt Gefjunareingirni. Engin bein fyrirmynd er af randabekkjum að öðru leyti en því að ofnir voru til skiptis bekkir, smágerðar langrendur og einfaldar rendur eins og virðist hafa verið algengt á brekánum fyrr á tíð.
Rúmábreiður (nr: 1990-79-1 og 1990-80-1) handofnar fyrir Byggðasafnið af Sigríði Halldórsdóttur vefnaðarkennara í vinnustofu hennar Annríki, að Þingholtsstræti 17 í Reykjavík, fyrri hluta árs 1990. Ábreiðurnar eru ofnar í gömlum stíl án þess að um hreina eftirmyndir sé að ræða, þar sem samskonar efni og er í gömlum, handunnum ábreiðum er ófáanlegt. Reyndar er nú (1990) erfiðleikum bundið að fá innlent vefjarefni þar sem öll framleiðsla hefur verið lögð niður. Efnið í ábreiðunum er fengið úr ýmsum áttum, sumt unnið sérstaklega fyrir Sigríði (SH) hjá Álafossi, annað jurtalitað af SH og fleirum og lítlsháttar Gefjunarband.
Aðrar upplýsingar
Ártal
1990
Safnnúmer
Safnnúmer B: 1990-80-1
Stærð
227 x 120 cm
Lengd: 227 Breidd: 120 cm
Staður
Núverandi sveitarfélag: Akraneskaupstaður, Akraneskaupstaður
Aðfangategund
Undirskrár
Undirskrá: Almenn munaskrá