Plógur
1848 - 1852
Varðveitt hjá
Landbúnaðarsafn Íslands
Plógurinn er heillegur. Göt hafa þó verið skotin á moldverpi, handföng hafa brotnað af og það vantar ristil (hníf) á plóginn. Afkomendur Guðmundar lána safninu plóginn til sýningar. Tækið var flutt inn af Guðmundi Ólafssyni fyrrv. alþingismanni og bónda frá Fitjum í Skorradal.
Gripurinn var að litlu leyti lagfærður af Jóhannesi Ellertssyni. Lítið gat er á moldverpinu sem er líklega úr pottjárni, en gatið er vegna þess að skotið var af byssu í gripinn. Á bakhlið hans stendur upphleyptum stöfum "P. ANDERSEN". Plógbreiddin frá moldverpissporði að landhliði er 45 cm. Segir í bókinni Búvélar og ræktun, eftir Árna G. Eyland að Guðmundur hafi flutt plóginn inn árið 1851.
Aðrar upplýsingar
Guðmundur Ólafsson, Notandi
Ártal
1848 - 1852
Efni
Safnnúmer
Safnnúmer A: 1013-84
Safnnúmer B: 2004-5-1
Staður
Staður: Fitjar, 311-Borgarnesi, Skorradalshreppur
Sýningartexti
Þjóðfundaplógurinn
Jón Sigurðsson forseti hvatti m.a. til bættra búnaðarhátta. Einn liðsmanna hans var Guðmundur Ólafsson, oft kenndur við Fitjar í Skorradal. Guðmundur var frumkvöðull í jarðrækt, flutti þennan danska plóg til landsins og notaði lengi: ,,Víst var það, að þegar eg kom hingað með plóginn 1851, þá stóð mörgum nokkurskonar stuggur af honum vegna gripanna (hestanna) og er ekki laust við að enn eimi eptir af þessu hjá sumum", skrifaði Guðmundur árið 1874. Menn virtust ekki fúsir til að beita hestum sínum til erfiðs dráttar. Afkomendur Guðmundar lána safninu plóginn til sýningar. Plógurinn er heillegur. Göt hafa þó verið skotin á moldverpi, handföng hafa brotnað af og það vantar ristil (hníf) á plóginn.
Aðfangategund
Undirskrár
Undirskrá: Almenn munaskrá
Upprunastaður
64°28'23.5"N 21°17'25.6"W