Minningarspjald, + tilefni

1940 - 1950

Varðveitt hjá

Minningarspjald með þremur ljósmyndum og umgjörð myndanna í ramma saumuð með rósabandssaumi. Er gert til minningar um fjölskyldu Kristjáns Guðmundssonar og Sigríðar Sveinsdóttur frá Sólmundarhöfða, Akranesi. Vinstra megin á spjaldi er mynd af Kristjáni Guðmundssyni f.20.júlí 1853 - dáinn 7.apríl 1906. Innfelda myndin í miðjunni er af Guðmundi Sveini Kristjánssyni f. 1890 - en hann drukknaði ásamt föður sínum 7.apríl 1906 þegar kútter Emilía fórst. Mynd til hægri er af eiginkonu Kristjáns, Sigríði Sveinsdóttur f. 1846 - d. 24.jan.1907. Með henni á mynd eru dætur hennar Guðný Kristjánsdóttir f.1888 - d.1967, vinstra megin og Elínborg Kristjánsdóttir f. 30.sept. 1887 - d. 6.nóv.1965, hægra megin. Kristján og Sigríður giftust síðla árs 1884 og bjuggu á Sólmundarhöfða, Akranesi. Kristján var útvegsbóndi og mikill sjósóknari á áraskipum. Rammin um minningarspjaldið er gylltur og með gleri. Umgjörð myndanna saumaði Elínborg Kristjánsdóttir með rósabandasaumi. Ekki vitað hver gerði minningarspjaldið eða afhenti til safnsins.