Panta mynd Notkunarskilmálar

Verðlaunapeningur, + hlutv.

1921

Varðveitt hjá

Byggðasafnið í Görðum á Akranesi

Verðlaunapeningur frá danska íþróttafélaginu AIK. Jón Kaldal, frjálsíþróttamaður og ljósmyndari keppti fyrir hönd AIK þegar hann stundaði nám í ljósmyndun í Danmörku 1918-1925. Verðlaunapeningur úr silfri og eru stafir AIK á framhlið og á bakhlið stendur 1.pr. Klubbm.1921, 5000 m.l. Við peninginn er festur borði í ljósbláum og hvítum lit. Jón Kaldal hóf að stunda íþróttir hjá ÍR en fluttist til Danmerkur 1918 og stundaði ljósmyndanám þar ásamt því að keppa í íþróttum. Var í fremstu röð hlaupara á Norðurlöndum á þessum árum. Hann var formaður ÍR í allmörg ár og varaforseti ÍSÍ 1943-1945. Heiðursfélagi ÍSÍ árið 1946. Með verðlaunapening fylgdu einnig blaðaúrklippur úr sænskum og dönskum blöðum um íþróttaafrek Jóns. Verðlaunapeninginn eignaðist Richard Kristmundsson, læknir f.22/7 1900 - d.7/9 1951 og síðar sonur hans Jón Már Richardsson f. 9/10 1942 er gaf safninu muninn.