Flotgalli
1920 - 1940
Varðveitt hjá
Byggðasafnið í Görðum á Akranesi
Flotgalli úr eigu eins þeirra 350
bresku hermanna, sem botnvörpungurinn Skallagrímur RE bjargaði í júní 1940,
um 150 sjómílur norðvestur af vesturströnd Skotlands. Herskip þeirra hafði
orðið fyrir tundurskeyti og var að því komið að sökkva er Skallagrím bar
að. Um 33 klst. seinna kom enskur tundurspillir á vettvang og tók sjóliðana.
Skallagrímur var að sigla með fisk á markað í Englandi. Nokkrir flotgallar
urðu eftir um borð í Skallagrími og notaði áhöfn skipsins sér þá með því
að sníða af vettlingana og stígvélin ,enda var ekki auðhlaupið að verða
sér út um slíkan varning á þessum árum. Þegar gefandi gallans var skipstjóri
á Skallagrími 1952 var þessi flotgalli einn eftir óskemmdur um borð og
hirti Jóhannes hann og varðveitti síðan. Gef: Jóhannes Guðjónsson ,skipstjóri
frá Ökrum, f.27/9 1920, Skólabraut 28, Akranesi.
Aðrar upplýsingar
Ártal
1920 - 1940
Safnnúmer
Safnnúmer B: 1994-156-1
Aðfangategund
Undirskrár
Undirskrá: Almenn munaskrá
Efnisorð / Heiti
Efnisorð: Flotgalli