Sniðill

1850 - 1900

Varðveitt hjá

Sniðillinn er alheill með nær 11 cm langri egg, um 2 cm breiðri og síðan krók; alls 46,5 cm langur, þar af er tréskaft hans 34,5 cm. Góð smíðin ber með sér að gripurinn sé heimaunninn að öllu leyti. Gefandi Eggert Þorsteinsson á Kvíum, telur að sniðillinn sé frá því fyrir aldamótin 1900. Sniðill var notaður til þess að afkvista greinar við kolagerð. Liðugast gekk verkið, er þrír menn unnu saman. Tók einn upp ... Annar hafði sniðilinn og kvistaði hið upptekna hrís. Hélt hann um legg hríslunnar, sem næst stofni, með vinstri hendi, hjó svo ótt og títt, þar til allt fínasta brum var afhöggvið. Því næst kastaði hann hinni kvistuðu hríslu og seilist til hinnar næstu með sniðilkróknum og kippir henni að sér ... Þriðji maðurinn tekur afhöggið og hina biturlegu kurlöxi og tekur að kurla timbrið ... (Úr byggðum Borgarfjarðar II, bls. 27-28).